Нидерландиянинг "Аякс" клуби ҳужумчи Брайан Броббини Англиянинг "Сандерленд" жамоасига сотади. Бу ҳақда Telegraaf портали хабар бермоқда.

Манбага кўра, "Аякс" 20 миллион евро олади, яна 5 миллиони бонуслар кўринишида ўтказилиши мумкин. "Сандерленд" футболчига уни қониқтирадиган шартнома таклиф қилиши қолди. Футболчи шанба кунги "Волендам"га қарши ўйинда иштирок этмади, чунки мураббий у ўйинга эътибор қарата олмайди деган хулосага келди.

Бробби "Аякс"ни трансфер ойнаси бошидаёқ тарк этиши мумкин эди, аммо у дастлаб "Комо" вариантини рад этди, кейин "Ренн" ёки "Лилль"га ўтишни истамади. Шуни ҳам таъкидлаш керакки, "Фулхэм" Броббини сотиб олиш ўрнига ижарага олмоқчи бўлгани учун вариантни рад этганди.

23 ёшли Бробби "Аякс" тарбияланувчиси ҳисобланади, у 163 та ўйинда майдонга тушиб, 56 та гол урган ва 24 та голга ҳаммуаллифлик қилган. Нидерландия терма жамоаси сафида 8 та ўйинда майдонга тушиб, 1 та гол урган.