Франция чемпионатида 3-ўринда бораётган "Лилль" клуби "НЕК Неймеген" клуби чап қанот ҳимоячиси Калвин Вердонк билан шартнома имзолаганини эълон қилди. Бу ҳақда жамоанинг расмий сайтида хабар берилди.
Вердонк Нидерландияда туғилган ва деярли бутун фаолияти давомида фақат маҳаллий клубларда, жумладан, "Фейеноорд"да ўйнаган, аммо терма жамоалар даражасида 28 ёшли футболчи Индонезия шарафини ҳимоя қилади (ФИФА рейтингида 118-ўрин). У эса 11 йил олдин Нидерландия ўсмирлар терма жамоаси сафида Европа чемпиони бўлганди.
Ўтган мавсумда Вердонк клуб миқёсида 36 та ўйинда майдонга тушди, 10 та огоҳлантириш олди, 1 та гол урди ва 1 та голли узатмани амалга оширди. Янги мавсумда у 4 та ўйинда 1 та голли узатмани амалга оширишга муваффақ бўлди.
