Ҳужумкор футболчи Кристантус Уче "Кристал Пэлас" футболчисига айланди. Бу ҳақда "бургутлар" матбуот хизмати клуб расмий сайтида маълум қилди.
Нигериялик футболчи Англия жамоасида жорий мавсум якунига қадар ижара асосида тўп суради.
22 ёшли ҳужумчи Ла Лиганинг учта турида гол урди ва голли узатмани амалга оширди. Умуман олганда, Уче "Хетафе" сафида 41 та ўйин ўтказиб, бешта гол ва саккизта голли узатмани ўз ҳисобига ёздириб қўйган. Transfermarkt портали форвардни 15 млн еврога баҳоламоқда.













