"Манчестер Юнайтед" "Брайтон" ҳужумчиси Данни Уэлбекни сотиб олиш имкониятини кўриб чиқди. "Қизил иблислар" бу ёзда ҳужум чизиғини жиддий янгилаб, Матеус Кунья, Брайан Мбеумо ва Беньямин Шешкони катта маблағ эвазига ўз сафига қўшиб олди. Журналист Лаури Уитвеллнинг маълумотларига кўра, узоқ ўтмишда "Олд Траффорд"да ўйнаган Уэлбекнинг номзоди клубда ўрганилган. Кутилмаган қайтиш амалга ошмади - 34 ёшли форвард "чайкалар" сафида ўйнашда давом этади.
Данни Уэлбек "Манчестер Юнайтед" тарбияланувчиси ҳисобланади. 2014 йилда у "Арсенал"га 20 миллион еврога сотилган ва 2020 йилдан бери "Брайтон" шарафини ҳимоя қилиб келмоқда. Transfermarkt портали тажрибали инглизнинг ҳозирги қийматини 5 млн еврога баҳоламоқда.
