"Ал-Ҳилол" ҳужумчиси Александр Митрович тез орада клубини ўзгартириши мумкин. Маълумки, Саудия Арабистони клуби Дарвин Нуньес трансферидан кейин сербиялик футболчига умид қилмаяпти. 30 ёшли футболчи сотувга қўйилди - энди у кетишга яқин. Журналист Николо Скиранинг хабар беришича, Қатарнинг "Ар-Райян" клуби "Ал-Ҳилол" билан ҳужумчи борасида музокаралар олиб бормоқда. Футболчи учун 2028 йилгача мўлжалланган шартнома аллақачон тайёр.
Александр Митрович 2023 йилнинг ёзида Англиянинг "Фулхэм" клубидан Саудия Арабистонига кўчиб ўтганди. Ҳужумчининг ҳозирги трансфер нархи Transfermarkt портали томонидан 18 млн еврога баҳоланмоқда.
