Мадриднинг "Реал" клуби ва Испания терма жамоаси марказий ҳимоячиси Дин Хёйсен Нидерландия терма жамоасига қарши ўйинда ҳуштакбозликка учраганини эслади.
Жамоалар март ойида Миллатлар лигасининг чорак финалида тўқнаш келишди. Икки ўйиндан иборат қарама-қаршилик дуранг билан якунланди, пенальтилар сериясида эса "қизил фурия" аниқроқ бўлди.
Хёйсен асли нидерландиялик бўлиб, Амстердамда туғилган ва болалигида оиласи билан Испанияга кўчиб ўтган. Футболчи Испания терма жамоасида ўйнашни афзал кўрди, шунинг учун у нидерландиялик мухлислар томонидан ҳуштакбозликка учради.
"Менга мухлисларнинг ҳуштакбозлиги ҳеч қандай таъсир қилмади. Қолаверса, буни ижобий ҳолат деб ҳам ҳисоблайман. Агар одамлар хафа бўлишса ва ҳуштак чалишса, уларга барибир эмас," - дея 20 ёшли марказий ҳимоячининг сўзларини келтиради Marca.
