Миланнинг "Интер" клуби "Эвертон" футболчиси Илиман Ндиайега қизиқиш билдираётган эди. "Нерадзуррилар" ўтган трансфер ойнасида "ирислар"га 25 ёшли футболчи учун сўров юборди. Журналист Патрик Бойланднинг ёзишича, Италия гранди вингерни 46 млн еврога баҳолаган, бироқ ливерпулликлар ўйлаб ўтирмай рад жавобини беришган.
Илиман Ндиайе 2024 йилнинг ёзида Франциянинг "Марсель" клубидан 18 млн евро эвазига "Эвертон"га ўтганди. Умуман олганда, сенегаллик инглиз жамоаси сафида 43 та ўйин ўтказиб, 13 та гол урган, шу жумладан Премьер-лиганинг жорий мавсумидаги учта ўйинда иккита гол урган.
Ндиайенинг машҳур Transfermarkt сайтидаги нархи - 22 млн евро.
