"Ал-Ҳилол"нинг португалиялик ярим ҳимоячиси Рубен Невеш вафот этган дўсти Диогу Жота хотирасига атаб янги татуировка чиздирди. Бу ҳақда Football on TNT Sports хабар бермоқда.
Невеш оёғига ёзда укаси билан бирга автоҳалокатда ҳалок бўлган Жотани қучоқлаб турган суратни жойлади. Айтиш керакки, Жота оиласи унинг Португалия терма жамоасидаги 21-рақамини айнан Невешга топширган, чунки улар яқин дўст бўлишган. Жота "Ливерпуль"да 20-рақамли футболкада ўйнаган, аммо унинг ўлимидан сўнг клуб бу рақамни муомаладан чиқариб, португалиялик футболчига абадий бириктириб қўйганди.
Қўшимча қиламиз, Невеш ва Жота ўз вақтида Англиянинг "Вулверхэмптон" жамоасида бирга тўп суришган.














