"Al-Hilol"ning portugaliyalik yarim himoyachisi Ruben Nevesh vafot etgan do‘sti Diogu Jota xotirasiga atab yangi tatuirovka chizdirdi. Bu haqda Football on TNT Sports xabar bermoqda.
Nevesh oyog‘iga yozda ukasi bilan birga avtohalokatda halok bo‘lgan Jotani quchoqlab turgan suratni joyladi. Aytish kerakki, Jota oilasi uning Portugaliya terma jamoasidagi 21-raqamini aynan Neveshga topshirgan, chunki ular yaqin do‘st bo‘lishgan. Jota "Liverpul"da 20-raqamli futbolkada o‘ynagan, ammo uning o‘limidan so‘ng klub bu raqamni muomaladan chiqarib, portugaliyalik futbolchiga abadiy biriktirib qo‘ygandi.
Qo‘shimcha qilamiz, Nevesh va Jota o‘z vaqtida Angliyaning "Vulverxempton" jamoasida birga to‘p surishgan.
