“Челси” ярим ҳимоячиси Андрей Сантос Саудия Арабистонидан таклиф олди.
UOL хабарига кўра, 21 ёшли бразилиялик футболчини ўз сафига “Ал-Қодисия” клуби қўшиб олмоқчи. Клуб Сантоснинг трансфери учун 70 миллион евро, футболчининг ўзига йилига 8 миллион евро маош таклиф қилди. Бу унинг ҳозирги маошидан тахминан беш баробар кўп. Шунга қарамай, Андрей Саудиядан келган таклифни рад этди.
Футболчининг “Челси” билан амалдаги шартномаси 2030 йилнинг ёзига қадар мўлжалланган. Трансфермаркт портали унинг бозор қийматини 35 миллион еврога баҳоламоқда.













