“Chelsi” yarim himoyachisi Andrey Santos Saudiya Arabistonidan taklif oldi.
UOL xabariga ko‘ra, 21 yoshli braziliyalik futbolchini o‘z safiga “Al-Qodisiya” klubi qo‘shib olmoqchi. Klub Santosning transferi uchun 70 million yevro, futbolchining o‘ziga yiliga 8 million yevro maosh taklif qildi. Bu uning hozirgi maoshidan taxminan besh barobar ko‘p. Shunga qaramay, Andrey Saudiyadan kelgan taklifni rad etdi.
Futbolchining “Chelsi” bilan amaldagi shartnomasi 2030 yilning yoziga qadar mo‘ljallangan. Transfermarkt portali uning bozor qiymatini 35 million yevroga baholamoqda.
