“Ливерпуль” дарвозабони Алиссон Беккер қишда жамоасини ўзгартириши мумкин. Бу ҳақда Empire of the Kop хабар берди.

Манбага кўра, бразилиялик 33 ёшли киперга Саудия чемпионатининг топ клублари жиддий қизиқиш билдирмоқда. Номи ошкор қилинмаган клублар январдаёқ Алиссонни ўз сафига қўшиб олиш учун кураш олиб боришади.

Аввалроқ Туркиянинг икки клуби ҳам Алиссонга таклиф юборган. У эса мерсисайдликларда қолишга қарор қилди.

Потенциал келишув 30 миллион еврога баҳоланмоқда. Унинг “қизиллар” билан шартномаси 2027 йилнинг ўрталарига қадар амал қилади.