“Liverpul” darvozaboni Alisson Bekker qishda jamoasini o‘zgartirishi mumkin. Bu haqda Empire of the Kop xabar berdi.

Manbaga ko‘ra, braziliyalik 33 yoshli kiperga Saudiya chempionatining top klublari jiddiy qiziqish bildirmoqda. Nomi oshkor qilinmagan klublar yanvardayoq Alissonni o‘z safiga qo‘shib olish uchun kurash olib borishadi.

Avvalroq Turkiyaning ikki klubi ham Alissonga taklif yuborgan. U esa mersisaydliklarda qolishga qaror qildi.

Potensial kelishuv 30 million yevroga baholanmoqda. Uning “qizillar” bilan shartnomasi 2027 yilning o‘rtalariga qadar amal qiladi.