"Барселона" вингери Ламин Ямал яна энг кўп муваффақиятли дриблинг амалга оширган футболчилар рейтингини бошқариб турибди.

18 ёшли футболчи ўтган мавсумда бўлгани каби мунтазам равишда рақибларини энг кўп алдаб ўтмоқда. Ямалнинг ҳисобида Ла Лиганинг атиги учта туридан кейин 18 та муваффақиятли дриблинг бор - бу Европанинг бешта етакчи чемпионатидаги энг яхши кўрсаткич. Иккинчи поғонани Бильбаонинг "Атлетик" клуби аъзоси Нико Уильямс (16), учинчи ўринни "Тулуза" аъзоси Янн Гбо (13) эгаллаб турибди. Кейинги ўринларда Янкуба Менте ("Брайтон," 11) ва Килиан Мбаппе ("Реал," 10).

Ламин Ямалнинг ҳисобида нафақат кўплаб муваффақиятли дриблинг уринишлари, яна иккита гол ва иккита самарали узатма ҳам бор.