Жозе Моуриньо бош мураббийликдан истеъфога чиқарилгач, "Фенербахче" раҳбарияти янги бош мураббий излашга киришди.
Яқинда ушбу лавозимга номзодлардан бири "Штутгарт" устози Себастьян Хёнесс бўлгани хабар қилинганди. Аммо германиялик мутахассис Туркиядан қизиқиш борлиги ҳақидаги миш-мишларга рад жавобини берди.
«Бу ҳақда ҳеч нарса эшитганим йўқ. Шунинг учун бу борада айтадиган гапим йўқ. Мен учун бу умуман муаммо эмас - аниқ йўқ!" - деди Хёнесс Sky Sport нашрига берган интервьюсида.
Хёнесс 2023 йилда "Штутгарт"ни қабул қилиб олган. Ўтган мавсумда 43 ёшли мутахассис жамоа билан узоқ вақтдан бери биринчи совринни қўлга киритди - "Штутгарт" Германия кубоги соҳибига айланди.













