"Райо Вальекано" - "Барселона" учрашувидаги ВАР муваффақиятсизлигининг сабаблари маълум бўлди.
31 август куни Ла Лиганинг 3-турида жамоалар дуранг қайд этишди (1:1).
"Барселона" биринчи бўлимда пенальти ишлаб, уни Ламин Ямал голга айлантирди. Учрашув бош ҳаками Матео Бускетс ВАР тизимидаги носозлик туфайли эпизод такрорини томоша қила олмади.
Ла Лигадаги ВАР тизимига масъул Медиапро компанияси стадиондаги розетка жиҳозларнинг носоз ҳолати тизимдаги узилишларга сабаб бўлганини аниқлади.
Учрашув бошланишидан олдин ва биринчи бўлим давомида электр таъминотининг мавжуд вариантларидан фойдаланилди, бироқ барча уринишлар муваффақиятсизликка учради.
