Лондоннинг "Челси" клуби Раҳим Стерлинг билан шартномани муддатидан олдин бекор қилиш ҳақида ўйламоқда. 30 ёшли футболчи ўтган трансфер ойнасида ҳеч қаерга кетмаган, гарчи у сотувга қўйилган бўлса-да. Хабарингиз бор, бош мураббий Энцо Мареска Стерлингни ўз таркибида кўрмаяпти, шу боис клуб футболчининг меҳнат шартномасини бекор қилишга тайёр. Football Insider хабарига кўра, "Челси" Англия терма жамоасининг собиқ юлдузига ҳамкорликни муддатидан олдин тўхтатиш учун тахминан 10 миллион фунт (11,5 миллион евро) таклиф қилиши мумкин.

Раҳим Стерлингнинг амалдаги шартномаси 2027 йилгача мўлжалланган. "Кўклар" вингерни юқоридаги шартлар асосида қўйиб юборса, тахминан 30 млн фунт (34,5 млн евро) иқтисод қилиши мумкин.