Жанубий Кореянинг Инчеон шаҳрида ёпиқ иншоатлардаги спорт турлари ва жанг санъатлари бўйича ўтказилган IV Осиё ўйинлари ниҳоясига етди.

Қитъанинг 45 давлати вакиллари иштирокида бўлиб ўтган мазкур нуфузли мусобақада Ватанимиз шарафини ҳимоя қилган 52 нафар спортчимиз жами 10 та медалга ( 3 та олтин, 4 та кумуш, 3 та бронза) сазовор бўлиб, умумжамоа ҳисобида 10-ўринни эгаллашди.

Қуйида Осиё ўйинларида совринли ўринларни эгаллаган спортчиларимиз берилган:
Олтин медал совриндорлари:
Павел Саприкин – Е-спорт
Санжар Тўхташев – кураш (-81 кг)
Гулёр Отажанова – кураш (-57 кг)

Кумуш медал совриндорлари:
Сардор Абдуллаев – Е спорт
Суҳроб Худойбердиев – кураш (-66 кг)
Азамат Абдираимов – кикбоксинг (-63 кг)
Ахмет Алимбеков — кикбоксинг (-81 кг)

Бронза медали совриндорлари:
Шахноза Ходжаниязова – кикбоксинг (-56 кг)
Гиёсжон Бабаев – кураш (-73 кг)
Саидахмад Арипов — муайтай (-75 кг)

7 июль куни мамлакатимиз делегацияси Тошкентга қайтиб келди.

Ёпиқ иншоатлардаги спорт турлари ва жанг санъатлари бўйича V Осиё ўйинлари 2017 йил Ашхабод шаҳрида (Туркманистон) ўтказилади.