Мадриднинг "Реал" клуби собиқ устози Зинедин Зидан Туркия Суперлигасида иш бошлаши мумкин. Бу ҳақда Sabah нашри хабар бермоқда.
Манбага кўра, франциялик мутахассисга Истанбулнинг "Фенербахче" клуби қизиқиш билдирмоқда. Клуб раҳбарияти "Зизу" билан музокаралар жараёнига киришди.
Эслатиб ўтамиз, август ойи охирида Истанбул гранди бошқарувидан португалиялик Жозе Моуриньо истеъфога чиқарилган эди. "Special One" УЕФА Чемпионлар Лигаси саралашида муваффақиятсизликка учраганидан сўнг ишдан бўшатилди.
Зидан "Реал"ни Испания Ла Лигаси чемпионига айлантирди ва жамоа билан уч марта Чемпионлар Лигасини қўлга киритди.













