Германия терма жамоаси ярим ҳимоячиси Флориан Вирц Шимолий Ирландия устидан қозонилган (3:1) ғалабадан сўнг ўз фикрлари билан ўртоқлашди.
22 ёшли футболчи учрашувнинг 72-дақиқасида жарима зарбасини аниқ амалга оширди.
“Словакияга қарши ўйиндаги натижадан ҳаммани ҳафсаласи пир бўлди. Шу сабабли Шимолий Ирландияга қарши яхши ва кўпроқ куч билан ўйнашни хоҳладик. Ўйлайманки, буни уддасидан чиқдик. Ўйин стартидан сифатли футбол кўрсатишни бошладик ва бундан хурсанд бўлишимиз керак. Худди шундай руҳда давом этишимиз керак” – дейди Вирц.
Эслатиб ўтамиз, Германия навбатдаги учрашувини 10 октябрь куни Люксембургга қарши ўтказади.
