«ПСЖ» президенти Носир Ал-Хелайфий марказий ҳимоячи Преснель Кимпембенинг клубни тарк этиши ҳақида гапирди.
30 ёшли футболчининг "Қатар СК"га ўтиши якшанба куни эълон қилинди.
Француз 20 йилини Париж гигантлари тизимида ўтказди. "Преснель "ПСЖ"да ақл бовар қилмайдиган мавсумлар ўтказди, у ўз клубида ўсди ва ривожланди ва ҳар доим намунали мутахассис эди.
Ёш футболчиларимиз учун ажойиб ўрнак. Кимпембе абадий "ПСЖ" оиласининг бир қисми бўлиб қолади. Бутун клубимиз номидан унга катта муваффақиятлар тилайман", - дея "ПСЖ" раҳбарининг сўзларини келтиради Франция ОАВ.













