"Милан" ҳужумчиси Рафаэль Леау Италия кубоги доирасида 17 август куни "Бари"га қарши ўйинда олган жароҳатидан тикланишда давом этмоқда. Маълум бўлишича, португалиялик футболчи А Сериянинг 3-турида "Болонья"га қарши навбатдаги ўйинда "россонерлар"га ёрдам бера олмаслиги маълум бўлди.
Calciomercato нашри хабарига кўра, Леау жамоадан алоҳида индивидуал дастур бўйича машғулот ўтказмоқда. Мураббийлар штаби клуб шифокорлари билан маслаҳатлашиб, португалиялик футболчи борасида таваккал қилмасликка қарор қилди. У 20 сентябрь куни бўлиб ўтадиган “Удинезе” билан учрашувга тайёр бўлиши керак.
