Молдова терма жамоаси дарвозабони Кристиан Аврам жамоаларнинг Европада бўлиб ўтган ЖЧ-2026 саралаш ўйинидан сўнг Норвегия терма жамоаси ҳужумчиси Эрлинг Холанд билан бўлган ноодатий мулоқот ҳақида гапирди. Норвегияликлар ўйинда 11:1 ҳисобида ғалаба қозонишди, Холанд пента-трик қайд этди.
"Ассалому алайкум, мен Молдова терма жамоаси дарвозабониман ва ўн битта гол ўтказиб юбордим.
Мен Эрлинг билан суҳбатлашдим. У: "Бу менинг айбим эмас", деди ва голлар фарқини яхшилаш учун гол уришда давом этишни хоҳлади. Мен уни тушунаман. Бу ўйиннинг бир қисми. У курашни давом эттирмоқчи эди.
Мен қачондир 11 та гол ўтказиб юборганманми? Бу ҳазилми? Албатта, бу биринчи марта (кулади).
Мен нимани ҳис қиляпман? Менга қаранг, нима дейишим мумкин? Мен ўлмадим. Мен кучли туришим керак. Бир неча кундан кейин менинг навбатдаги ўйиним бор. Аммо ўн битта гол жуда кўп", - деди Аврам TV2 билан суҳбатда.













