Ўзбекистон кубогининг 1/4 финал «Пахтакор» ва «Гулистон» жамоаларт учрашувидан кейин мезбонлар бош мураббийи Мурод Исмоилов ўйин, жамоанинг иккинчи даврадаги режалари хусусида гапириб ўтди.

«Мағлубиятлардан кейин ўзимизни тиклаб олишимиз учун ғалаба зарур эди. Бугун кўпроқ ёшлага ишонч билдирдик. Шунингдек, жаҳон чемпионатидан қайтиб келган баъзи футболчиларни рўйхатга киритдик. Улар эса ишончни оқлашди».

«Гулистон» таркибида ҳам муаммолар юзага келгани боис бугун ҳисоб йирик кўриниш олди деб ўйлайман. Энди ярим финалда ижобий натижа қайд этиб, финал йўлланмасини қўлга киритишга интиламиз».

«Иккинчи давра арафасида таркибимизда баъзи ўзгаришлар бўлади. Кимлардир жамоадан кетади, уларнинг ўрнини бошқалар тўлдиради. Бу ҳақида яқин кунларда жамоа сайтида маълумот берилади. Умид қиламанки, мавсумнинг иккинчи ярмида ишқибозлар ишончини оқлаймиз», дея Исмоиловнинг сўзларидан иқтибос келтирмоқда «Пахтакор» расмий сайти.