"Ал-Ҳилол" ярим ҳимоячиси Рубен Невеш TV Guia журнали муқовасида пайдо бўлган суратдан норози.
Ушбу суратда Невеш июль ойи бошида ЙТҲда вафот этган Диого Жотанинг беваси Руте Кардосонинг ёнида тургани акс этган.
"Рубен Невес ва Руте. Қандай қилиб Диого Жотанинг беваси марҳумнинг энг яқин дўстига суяниб турибди?", деган сарлавҳани кўриш мумкин эди.
Суратда Невеш ва Кардосо гўё ўпишмоқчи бўлгандек жойлашишган. "Ушбу суратни журнал муқовасига қўйган одам бахтли бўлишга лойиқ эмас.
Мен турмуш ўртоғим Дебора Лоуренцо билан 11 йилдан ортиқ биргамиз ва биз бахтлимиз. Мен фахрланадиган оиламиз бор ва шу 11 йил ичида биз ҳеч қачон ғийбатга қўл урмаганмиз", деб ёзади Невеш ижтимоий тармоқда.
