"Манчестер Сити" дарвозабони Жанлуижи Доннарумма янги жамоаси билан яна Чемпионлар лигасида ғолиб чиқишга умид қилмоқда.
Ўтган мавсумда италиялик футболчи "ПСЖ"га турнирда зафар қучишга ёрдам берганди. Сентябрь ойи бошида парижликлар 26 ёшли дарвозабонни "шаҳарликлар"га сотиб юборди.
"Мақсадимиз - финалга чиқиш. Буни орзу қилаётганимни яширмайман. "Манчестер Сити" билан Чемпионлар Лигасида ғалаба қозониш - бу орзу, аммо биз матонатли бўлишимиз, меҳнат қилишимиз ва ҳар бир ўйинда ўзимизни кўрсатишимиз керак," - дея Доннарумманинг интервьюсидан иқтибос келтиради Италия ОАВ.













