"Тоттенхэм" бош мураббийи Томас Франк Хави Симонснинг жамоадаги дебютида қандай ўйин кўрсатгани ҳақида фикр билдирди.
"Шпорлар"нинг янги аъзоси Премьер-лига доирасидаги "Вест Хэм"га қарши баҳсда асосий таркибда майдонга тушди. 22 ёшли ҳужумкор ярим ҳимоячи голли узатмани амалга оширди ва 71-дақиқада захирага олинди. Баҳсда "Тоттенхэм" ишончли ғалабага эришди - 3:0.
"Менга Симонснинг ўйини ёқди - айниқса, у тўпни қабул қилишда доим ташаббус кўрсатди. Биринчи голимиздан кейинги эпизодда ажойиб ассист. Ажойиб дебют," - деди Франк ўйиндан кейинги интервьюсида.
