«Барселона» ҳужумчиси Роберт Левандовски ўзининг юқори самарадорлик даражасини қандай сақлаб қолиши ҳақида фикр билдирди.
"Энг муҳими - ишонч. Мен доимо тўпнинг менга қараб келишига ишонаман. Кейин, тўп мен томонга учиб келаётганда, рақибимдан олдин ҳаракат қилишим керак, шунинг учун ундан тезроқ бўлишим лозим. Сўнгра, учинчидан, ақллироқ бўлиб, автоматик тарзда ҳаракат қилишим керак", - деди Левандовски The Times нашрига берган интервьюсида.
Жорий мавсумда 37 ёшли польяк футболчиси Испания чемпионатида икки марта майдонга тушди, бироқ голли ҳаракатлар қайд этмади. Ўтган мавсумда эса у барча турнирларни ҳисобга олган ҳолда 52 ўйинда 42 та гол урган.
