Лондоннинг "Арсенал" клуби форварди Нони Мадуэке АПЛ 4-туридан ўрин олган сўнгги ўйинда "канонирлар" "Ноттингем Форест"ни йирик ҳисобда мағлуб этгани (3:0) ҳақида фикр билдирди.
"Артета бизга тўпни қабул қилишда ва динамик ҳамда ижобий бўлишга ҳаракат қилишда эркинлик беради ва ўйлайманки, биз буни уддаладик. Балки бундан ҳам кўпроқ гол уришимиз мумкин эди. Мавсум давомида "Арсенал"нинг янада ишончли ўйинини кўрасиз," - дея Мадуэкенинг сўзларини келтиради "Арсенал" матбуот хизмати.
Ўтказилган 4та ўйиндан сўнг, Лондон клуби Англия чемпионати турнир жадвалида 1-ўринни эгаллаб турибди. "Тўпчилар" 12 имкониятдан 9 очкони қўлга киритишга муваффақ бўлди.
