"Манчестер Сити" вингери Жереми Доку Эрлинг Холанд билан ўйиндан олган таассуротлари билан ўртоқлашди.
Якшанба куни "шаҳарликлар" дербида "Манчестер Юнайтед"ни тор-мор этишди - 3:0. Норвегиялик ҳужумчи дубль қайд этган бўлса, Доку иккита ассистга муаллифлик қилди.
"Ўйлашимча, бугун майдонда ажойиб ўйин кўрсатдик. Бу менинг бу ердаги учинчи мавсумим, шунинг учун мен Эрлинг қандай югуришларни амалга ошираётганини биламан, гарчи баъзида мен барибир ёмон узатмалар бераман. Холанд - гол уриш машинаси, мен унинг машғулотлардаги ҳаракатларини таҳлил қиламан, имкон қадар тез-тез унга тўп узатишга ва гол уришга ёрдам беришга ҳаракат қиламан," - дея Докунинг ўйиндан кейинги интервьюсидаги сўзларини келтиради "Gazeta.Ru."
