"Манчестер Юнайтед" ярим ҳимоячиси Бруну Фернандеш "Манчестер Сити"дан учралган мағлубиятдан сўнг (0:3) ўз фикрларини билдириб ўтди.

"Йўқ, ижобий лаҳзаларни топиш қийин эмас. Баъзи ишларни яхши бажардик, лекин бу етарли бўлмади. Биз ғалаба қозонишни хоҳлаймиз, аммо бугун ҳаракатларимиз натижа учун етарли бўлмади. Бу биз ўйиндан оладиган нарса. Биз яхшироқ ўйнашимиз ва келажакка қарашимиз керак. Ўтказиб юбориш эмас, гол уриш керак.

Вазиятлар яратишда давом этамиз, аммо истаганимизча гол ура олмаймиз. Вазиятни яхшироқ назорат қилишимиз керак. Кераксиз жойда учта гол ўтказиб юбордик.

Натижа биз учун жуда ёмон, аммо ўйинга турлича қараш мумкин. Голларнинг олдини олиш мумкин эди. Биз дадил ва ишонч билан ҳужумга ўтдик. Вазиятлар яратиш орқали биз янада аниқроқ ҳаракат қилишимиз мумкин эди.

Биз ҳам худди "Манчестер Сити" каби уч очко олишни хоҳлагандик. "Сити" голли вазиятларда жуда тўғри ҳаракат қилди. Уларда жуда яхши ўйинчилар бор," - деди Фернандеш Sky Sports’га.