Сешанба оқшомида Хаби Алонсо "Реал" бош мураббийи сифатида Чемпионлар лигасидаги илк ўйинини ўтказади. Рақиб "Марсель" бўлади. Алонсо ушбу ўйинга тайёргарлик борасидаги саволга жавоб берди.
"Қандай тайёргарлик кўряпмиз? "Реал" билан Чемпионлар Лигаси ўйинларига хос ҳаяжон билан. Бу клуб ва "Бернабеу" учун ўзига хос турнир. Бу янада рағбатлантиради. Мухлислар евромавсум стартини интиқлик билан кутишмоқда. Эртага бизни жуда талабчан, юқори савиядаги рақиб кутиб турибди. Умид қиламизки, яхши ўйнаймиз", - деди Алонсо матбуот анжуманида.
"Реал" - "Марсель" учрашуви 16 сентябрь куни Тошкент вақти билан соат 23:59да бошланади.
