Лондоннинг "Арсенал" клуби бош мураббийи Микель Артета жамоа сардори Мартин Эдегор бўйича баёнот берди. Sky Sports нашрининг ёзишича, мураббий норвегиялик футболчининг Чемпионлар лигасининг сешанба кунги "Атлетик"ка қарши ўйини учун Испанияга келмаганини тасдиқлаган.
Эслатиб ўтамиз, Эдегор АПЛнинг 4 турида 2 марта жароҳат олган эди. "Ноттингем Форест"га қарши кечган сўнгги ўйинда (3:0) норвегиялик футболчи жамоадоши билан тўқнашиб кетганидан сўнг, елкасидаги жароҳатини қайталаб олганди.
"Атлетик" - "Арсенал" ўйини 16 сентябрь, сешанба куни Бильбаода Европа Чемпионлар Лигаси умумий босқичининг 1-тури доирасида бўлиб ўтади.
