"Барселона" марказий ҳужумчиси Роберт Левандовски "кўк-анорранглилар"нинг 18 ёшли вингери Ламин Ямалнинг ўйинига юқори баҳо берди.
"Мен уни биринчи машғулотда кўрганимда Ламин 15 ёшда эди. У тажрибали чап қанот ҳимоячисига қарши ўйнади ва хоҳлаганини қилди. Мен ҳеч қачон бу ёшда бундай иқтидорли ўйинчини кўрмаганман," - дея футболчининг сўзларини келтиради The Athletic.
Испаниялик ҳужумчи 2023 йилдан бери "Барселона"нинг асосий жамоасида ўйнамоқда. Ямал каталонияликлар сафида 109 та ўйинда 27 та гол ва 37 та голли узатмага муаллифлик қилган.













