"Бавария" бош мураббийи Венсан Компани жамоа олдига Чемпионлар лигасида ғолиб чиқиш мақсади борлигини айтди. Мусобақанинг умумий босқичининг биринчи турида мюнхенликлар ўз майдонида “Челси”га қарши баҳс олиб боради.
"Биз Чемпионлар лигасида ғалаба қозонишни истаймиз. Бошқа мақсадлар йўқ. Албатта, бошқа жамоалар ҳам ғалаба қозонишни истайди. Ҳозир бор эътиборимизни фақат "Челси"га қаратганмиз, аммо орзу сақланиб қолмоқда", - деди Компани УЕФА сайтига.
"Бавария" - "Челси" учрашуви 17 сентябрь куни Тошкент вақти билан соат 23:59да бошланади.
"Бавария" Европа чемпионлар кубогини 6 марта – 1974, 1975, 1976, 2001, 2013 ва 2020 йилларда қўлга киритган.













