Мюнхеннинг “Бавария” клуби бош мураббийи Венсан Компани Англиянинг “Челси” жамоасига қарши бўлиб ўтадиган Чемпионлар лигаси учрашувига тайёргарлик борасида журналистларнинг саволларига жавоб берди.

"Мен ўтган мавсумда "Челси"нинг 40 та ўйинини кўрган бўлсам керак. Улар томоша қилиш учун қизиқарли жамоа, аммо менимча, бу ерда сирлар унчалик кўп эмас. Уй вазифамизни бажардикми ёки йўқми, эртага кўрамиз", - деди Компани.

"Бавария" Чемпионлар лигасининг умумий босқичида "Челси"дан ташқари "Брюгге", "Спортинг", "Юнион" (уй), "ПСЖ", "Арсенал", "ПСВ" ва "Пафос" (сафарда) каби клублар билан тўқнаш келади.