Ёзги трансферлар вақтида "Ливерпуль" сафини форвард Александр Исак тўлдирди. Швециялик ҳали дебют қилмади, чунки у оптимал формага кириб олиши керак эди. "Қизиллар" бош мураббийи чоршанба куни бўлиб ўтадиган Чемпионлар лигаси доирасидаги "Атлетико"га қарши ўйинда Исак майдонга тушишга тайёрлигини маълум қилди. Шу билан бирга, швед ҳали тўлиқ ўйин ўтказишга тайёр эмас.
"Исак жамоада ва ўйнай олади. Лекин у ҳозирча тўлиқ 90 дақиқа ўйнай олмаслигини юз фоизга айта оламан. Бироқ у жамоада. Одамлар уни майдонда кўришни исташмоқда ва у эртагаёқ майдонга тушиши мумкин," - дея Слотнинг матбуот анжуманидаги сўзларини келтиради УЕФА.
"Ливерпуль" - "Атлетико" учрашуви 17 сентябрь куни Тошкент вақти билан соат 23:59да "Энфилд"да бошланади.
