Лондоннинг "Арсенал" клуби бош мураббийи Микель Артета Чемпионлар Лигаси умумий босқич 1-туридан ўрин олган "Атлетик" Бильбаога (2:0) қарши ўйинда қаҳрамонга айланган вингер Габриэл Мартинеллини мақтади.

Бразилиялик футболчи 72-дақиқада захирадан майдонга тушди ва ўйинда гол уриб, ҳисобни очди. Яна у Леандро Троссардга голли узатма берди. Айнан Мартинелли УЕФА томонидан учрашувнинг энг яхши футболчиси деб топилди.

"У бунга тўлиқ лойиқ эди", - дейди Артета. - Габини ишга бўлган муносабати, қатъияти, ижобий кайфияти ва жамоа учун ҳамма нарсага тайёрлиги учун жуда яхши кўраман. Биз Мартинеллининг фазилатларини ва у қўшаётган ҳиссани жуда қадрлаймиз. У иккала голда ҳам муҳим роль ўйнаганидан хурсандман," - деди испаниялик бош мураббий ўйиндан кейинги интервьюсида.