Мадриднинг "Реал" клуби ярим ҳимоячиси Федерико Вальверде жамоадоши Килиан Мбаппе ҳақида қандай фикрда эканини айтди.

Франциялик футболчи Чемпионлар Лигаси умумий босқичининг 1-туридан ўрин олган "Марсель"га (2:1) қарши ўйинда 2 марта пенальтини аниқ амалга оширди. 22-дақиқада Хаби Алонсо жамоаси биринчи бўлиб гол ўтказиб юборди, аммо 28 ва 81-дақиқаларда Мбаппенинг голлари эвазига ғалабага эришди.

"Килиан гол уришда давом этаётгани бизни жуда хурсанд қилади. Бизнинг вазифамиз - унга рақиблар дарвозасига етиб боришга ёрдам бериш. У учун янада кўпроқ голли вазиятлар яратишимиз керак," - дея Вальверденинг сўзларини келтиради испан ОАВ.

Килиан Мбаппе жорий мавсумда бешта ўйинда олтита гол урди.