"Реал" ҳужумчиси Килиан Мбаппе Чемпионлар лигасида "Марсель" устидан қозонилган ғалабадан сўнг (2:1) интервью берди.
26 ёшли француз рақибларини икки бор ранжитди - ҳар иккала ҳолатда ҳам у пенальтидан гол урди.
Ҳал қилувчи гол 81-дақиқада киритилди. Мбаппенинг сўзларига кўра, Хаби Алонсо ундан нафақат гол уришни, балки прессингда ҳам фаол иштирок этишини талаб қилмоқда.
"Хаби биздан имкон қадар тезроқ тўпни қайтариб олишимизни истайди. У доимо мендан прессинг ва курашни сўрайди - биз бугун шундай қилдик", - деб ўйиннинг энг яхши футболчиси деб топилган Килианнинг сўзларидан иқтибос келтиради Madrid Universal.
