"Бавария" ва Франция терма жамоасининг собиқ ҳужумчиси Жан-Пьер Папен Мадриднинг "Реал" клубининг Чемпионлар лигасидаги ўйинларидаги ҳакамлар иши ҳақида фикр билдирди.
"Ҳакамлар бошқаларга қараганда мадридликларга анча юмшоқроқ муносабатда бўлишади. Улар вазиятларни силлиқлаштиришга уринишади. Ҳакам Карвахални деярли қучоқлаб, майдондан чиқариб юборса... Пенальти эса умуман кулгили ҳолат. Бундай пайтларда саволлар туғилади. Бундай катта клубга бу тарзда ёрдам бериш керак эмас, деб ўйлайман. Бу ҳаддан ошиш," - дея Папеннинг сўзларини RMC Sport келтиради.
Эслатиб ўтамиз, Чемпионлар лигаси гуруҳ босқичининг дастлабки турида "Реал" ўз майдонида "Марсель"ни 2:1 ҳисобида мағлуб этди. Иккала голни ҳам Килиан Мбаппе пенальтидан урди.
