Леверкузеннинг "Байер" клуби устози Каспер Юльманн Европа Чемпионлар Лигаси умумий босқичи 1-туридан ўрин олган "Копенгаген"га қарши сафар ўйинидан сўнг ўз фикрларини билдириб ўтди. Жамоалар 2:2 ҳисобида дуранг қайд этишди.
"Бу натижани қабул қилиш ва тўпланган очколардан хурсанд бўлиш керак. Рақиб бу ўйинда яхши ҳаракат қилди ва бизга муаммо туғдирди. Бизда муваффақиятли дақиқалар бўлди, лекин умуман олганда, кўрсатган ўйинимиздан қониқмадим. Биз ҳаддан ташқари очилиб кетдик ва ўз дарвозамизга кўплаб ҳужумларга йўл қўйдик," - дея мутахассиснинг сўзларини келтиради УEФА матбуот хизмати.
Иккинчи турда "доришунослар" ўз майдонида Нидерландиянинг ПСВ клубини қабул қилади.
