Leverkuzenning "Bayer" klubi ustozi Kasper Yulmann Yevropa Chempionlar Ligasi umumiy bosqichi 1-turidan o‘rin olgan "Kopengagen"ga qarshi safar o‘yinidan so‘ng o‘z fikrlarini bildirib o‘tdi. Jamoalar 2:2 hisobida durang qayd etishdi.
"Bu natijani qabul qilish va to‘plangan ochkolardan xursand bo‘lish kerak. Raqib bu o‘yinda yaxshi harakat qildi va bizga muammo tug‘dirdi. Bizda muvaffaqiyatli daqiqalar bo‘ldi, lekin umuman olganda, ko‘rsatgan o‘yinimizdan qoniqmadim. Biz haddan tashqari ochilib ketdik va o‘z darvozamizga ko‘plab hujumlarga yo‘l qo‘ydik," - deya mutaxassisning so‘zlarini keltiradi UEFA matbuot xizmati.
Ikkinchi turda "dorishunoslar" o‘z maydonida Niderlandiyaning PSV klubini qabul qiladi.













