Энцо Мареска Раҳим Стерлинг ва Аксель Дисаси билан боғлиқ вазият ҳақида гапирди.
Аввалроқ Англия футболчилари касаба уюшмаси "Челси"нинг жамоа машғулотларидан четлатилган икки футболчисининг ҳолатидан хавотир билдирган эди.
"Бу нафақат "Челси"га, балки дунёдаги барча клубларга тааллуқли. Қачонки, қандайдир сабабларга кўра футболчи ва клуб ўртасида келишув бўлмаса, сиз футболчига машқ қилиш учун шароит яратиб берасиз, лекин у таркибга кирмаса, демак, бу унинг айби.
Отам 75 ёшда ва 50 йил давомида тунда соат иккидан эрталаб ўнгача балиқчи бўлиб ишлаган. Мана бу ҳақиқий қийин вазият, футболчининг майдонга тушмаётгани эмас", - деди "Челси" бош мураббийи.
