Америка Қўшма Штатларида яшаётган Жузеппе Росси уругвайлик ҳужумчи Луис Суареснинг шов-шувли хатти-ҳаракатлари ҳақида гапирди. У навбатдаги қилиғи - рақибига тупургани учун дисквалификацияга учраганди.

"Мен уни футболчи сифатида жуда яхши кўраман, у - дунёнинг энг яхши ҳужумчиларидан бири. Лекин майдондан ташқарида уни ҳурмат қилмайман. Агар у шу руҳда давом этса, одамлар у илгари қилган ҳамма нарсани унутиб юборади", - дея Росси сўзларини келтиради derbyderbyderby.it .

Эслатиб ўтамиз, Жузеппе Росси 2023 йилда футболчилик фаолиятини якунлаган, унинг сўнгги клуби Италиянинг СПАЛ клуби эди. У Италия терма жамоаси сафида 30 та ўйин ўтказган.