"Манчестер Сити" сардори Бернарду Силва бу мавсумда Англия Премьер-лигаси чемпионлиги учун қайси жамоаларни асосий даъвогар деб билишини айтди.
Ўтган мавсумда "шаҳарликлар" "Ливерпуль" ва "Арсенал"дан кейин учинчи ўринни эгаллашганди.
Португалиялик ярим ҳимоячининг фикрича, "қизиллар" ва "канонирлар" яна чемпионлик фаворити бўлишади.
"Ливерпул" ва "Арсенал" - фаворит, аммо бу ҳали бошланиши. Ўтган мавсумда ҳамма бизни фаворит деб ҳисоблаганди, "Арсенал" ҳам тилга олинди, лекин якунда чемпионликни қўлга киритган "Ливерпул" эди.
Мавсум эндигина бошланганда имкониятларни муҳокама қилишнинг маъноси йўқ. Февралгача Премьер-лигани ютиб бўлмайди", – деди футболчи.
