"Барселона" ярим ҳимоячиси Гави тез орада сафга қайтиши мумкин. 21 ёшли футболчи тизза муаммоси туфайли ўйинларда иштирок этмаётган эди. Ҳатто жарроҳлик амалиёти ҳақида ҳам гап кетаётганди - агар жарроҳлик ўтказилганда, каталонияликлар узоқ вақт давомида ярим ҳимоячидан фойдалана олмасди. Журналист Хави Мигелнинг маълумотларига кўра, сўнгги пайтларда Гавининг аҳволи анча яхшиланган: тиззасидаги оғриқ йўқолган, шу сабабли операция эҳтимоли паст.

Тахминларга кўра, футболчи тахминан икки ҳафтадан сўнг - айнан Чемпионлар Лигаси гуруҳ босқичининг иккинчи тур ўйини "ПСЖ"га қарши ўйин вақтигача тўлиқ тикланади. Бироқ, "Барселона" эҳтиёткорликни сақлаб, воқеаларни тезлаштиришни хоҳламаяпти.

"Кўк-анорлилар"нинг "ПСЖ"га қарши баҳси 1 октябрда бўлиб ўтади.