"Челси" шанба куни Англия Премьер-лигасининг 5-турида "Манчестер Юнайтед"га имкониятни бой бериб қўйди (1:2).
5-дақиқада "кўклар" бир киши кам бўлиб қолди - дарвозабон Роберт Санчес майдондан четлатилди. Танаффусга қадар "қизил иблислар" иккита тўп киритишга улгуришди, кейин эса майдондаги футболчилар сони тенглашди - Каземиро ҳам майдонни тарк этди. Иккинчи бўлимда лондонликлар Трево Чалобанинг саъй-ҳаракатлари билан битта гол уришди.
Opta хабарига кўра, бу Премьер-лигадаги маълумотлар тўпланган биринчи ўйин бўлиб, унда "Челси" ҳисобида дарвозага берилган зарбалардан (бешта) кўпроқ карточка (қизил ҳисобга олинса олтита) бор. Марк Кукурелья, Энцо Фернандес, Трево Чалоба, Тайрик Жорж ва Тосин Адарабиойо ўйин давомида огоҳлантирилди.
