"Манчестер Юнайтед" бош мураббийи Рубен Аморим АПЛ 5-туридан ўрин олган "Челси"га қарши ўйинда (2:1) гол уриб, кейинроқ қизил карточка олган Каземиро ҳақида фикр билдирди.
«Каземиро мендан кўра ёмонроқ аҳволда. Биз ғалаба қозондик ва мен бу воқеани тезда унутаман, у эса хавотирда қолади, чунки у энг юқори даражадаги профессионал. У нима қилганини тушунади. Бундай ҳаракат қилмаслик учун у етарлича тажрибали. У жуда қаттиқ изтиробда», деди Аморим.
Эслатиб ўтамиз, "Манчестер Юнайтед" "Челси"ни 2:1 ҳисобида мағлуб этди. Ҳисоб 2:0 бўлиб турганида Каземиро майдондан четлаштирилди.
Премьер-лиганинг 5 турида "Манчестер Юнайтед" 7 очко тўплади.
