"Челси" бош мураббийи Энцо Мареска Премьер-лига доирасидаги "Манчестер Юнайтед"га қарши ўйинда Алехандро Гарначони нима учун майдонга туширмасликка қарор қилгани ҳақида гапирди.
Италиялик аргентиналик вингерни ўйинга ташламоқчи бўлган: футболчи ҳатто мураббийдан кўрсатма олишга ҳам улгурган, бироқ у захира ўриндиғига қайтишга мажбур бўлган. "Кўклар"нинг янги аъзоси аввалги жамоасига қарши ўйнамади. Учрашув "қизил иблислар"нинг 2:1 ҳисобидаги ғалабаси билан якунланди.
"Гарначо майдонга тушишга тайёр эди, аммо кейин Уэсли (Фофана) чарчоқ туфайли алмаштиришни сўради. Охир-оқибат Тайрик Жоржни майдонга туширишга қарор қилдик, лекин Гарначога ўйин вақти беришни режалаштиргандик", - дея Маресканинг жавобини келтиради журналист Бобби Винсент.
Эслатиб ўтамиз, "Челси" трансфер ойнаси ёпилиши олдидан "МЮ"дан Алехандро Гарначони 46 млн еврога сотиб олган эди.
